Concello de Verín

Os premios que sinalaron aos mellores viños galegos dos últimos anos -aqueles recoñecidos con envexadas puntuacións do "gurú" mundial Robert Parker, como  Guímaro,  Algueira ou os do  verinés José Luis  Mateo- fixáronse de novo en Monterrei. O Instituto  Galego  do Viño,  INGAVI, que galardoou  en pasadas edicións a estes caldos, ou a restaurantes como o pontevedrés Casa  Solla, acaban de nomear este ano ao Museo Claustro  Mercedario de Verín como mellor iniciativa de divulgación de viño de Galicia.

Promover a reflexión sobre as fronteiras e a situación das persoas refuxiadas é a finalidade do espectáculo teatral ‘O valo’, creado o ano pasado por Pallasos en Rebeldía para o Fondo Galego de Cooperación e Solidariedade, do que forma parte o Concello de Verín. A representació terá lugar o vindeiro venres 16 de novembro (Día Internacional para a Tolerancia) ás 12 horas no Auditorio Municipal para alumnado dos CEIP Amaro Refojo e Princesa de España.

Durante os días 16 e 17 e 18  de novembro , o cinema municipal de Verín acolle a proxección das películas El Cascanueces y los cuatro reinos e Ola de crímenes no Salón de Actos da Casa da Cultura nos seguintes pases:

A  AECT  Eurocidade  Chaves-Verín, convidada pola Comisión Europea, presentou no Web  Summit 2018 en Lisboa o proxecto "Goberno transfronteirizo electrónico, a tarxeta  Eurocidade 2020” como exemplo de boa practica de  gobernanza transfronteiriza.

O vindeiro 15 de novembro, ás 20:00 horas, a Sala de Exposicións de Verín acolle a inauguración da mostra de linografías e xilografías “Obra gráfica Orixinal” de Rafael Castro Vaamonde composta por obras pertencentes ás series “ Entroido Galego” e “Bestiario Románico”, inspiradas nas figuras tradicionais do entroido no territorio e nas ornamentacións pétreas das igrexas e capelas da comarca.