Concello de Verín

O vindeiro venres 28 de setembro, ás 18:00 horas, a Biblioteca Municipal do Concello de Verín, realizará unha xornada de contacontos e manualidades, que leva por título “O moucho que non podía oulear”.

A localidade ourensá de Verín será escenario do arranque da 17 Volta Ciclista a Galicia que tocará territorio das catro provincias galegos noutras tantas etapas. Como vén sendo habitual nas últimas edicións, a xornada inaugural será unha  contrareloxo por equipos de apenas 10 quilómetros que a pesar do seu perfil netamente chá esixirá máxima concentración aos ciclistas á hora de axustarse e sortear as complicacións técnicas do trazado.

Unha ducia de rúas verinesas verán restrinxido o tráfico na tarde do próximo xoves, a causa da celebración da etapa inicial da Volta Ciclista a Galicia. A saída oficial será ás 18:00, e as probas desenvolveranse ata ben pasadas as sete da tarde, segundo as previsións da organización.

Durante os días 21, 22 e 23  de setembro, o cinema municipal de Verín acolle a proxección das películas “Los increibles 2” e “Las distancias” no Salón de Actos da Casa da Cultura nos seguintes pases:

Do 14 de setembro ao 13 de outubro, a Sala de Exposicións de Verín acolle a mostra EXPOARTE 2018. A exposición, que se inaugurará este venres 14 de setembro ás 19:00 horas na Sala de Exposicións de Verín, é unha escolma feita polos propios alumnos de traballos que se realizaron nas Aulas de Especialización da Escola Municipal de Artes e Oficios no curso que rematou no pasado mes de xuño.

O horario para visitas durante o mes de setembro é de luns a venres, ámbolos dous incluídos, das das 17:30 h. ás 20:30 h.; e os sábados de 10:00 a 14:00 h. e de 17:30 a 20:00 h.