Concello de Verín

O Concello de Verín vén de presentar a II Edición do Festival Internacional de Curtametraxes Vía XIV que se celebrará na vila do 1 ó 10 de decembro. O Alcalde de Verín, Gerardo Seoane Fidalgo, a Concelleira de Educación, Cultura e Festexos, Emilia Somoza Basalo, e o Director do FIC Vía XIV, Carlos Montero Zorrilla, presentaron unha nova edición do Festival de Curtas que se celebrou en Verín o ano pasado, amosando a clara aposta pola dinamización cultural na que está traballando o actual goberno municipal.

O alcalde de Verín, Gerardo Seoane, presentou esta tarde en Termatalia a recuperación da fonte tradicional de Caldeliñas ante a prensa internacional. O rexedor destacou a preponderancia histórica das augas de Verín no mercado estatal, co trinomio Sousas-Fontenova-Cabreiroá, e a importancia histórica das de Caldeliñas, que chegaron a estar vinculadas coa Casa Real española.

O alcalde de Verín, Gerardo Seoane, e o vicerreitor da Universidade de Vigo, Virxilio Rodríguez, chegaron hoxe a un acordo para a creación de “Cátedra Verín de Augas Mineiro-medicinais”, que suporá o primeiro departamento  universitario especializado nun territorio termal de Galicia. O alcalde afirmou que este “é un salto transcendental na recuperación do termalismo de Verín, coa universidade como compañeira e guía para desenvolver o sector”.

Si tes o Graduado na ESO ou equivalente podes realizar o Curso de Mantemento do motor e os seus sistemas auxiliares no IES García Barbón.

Si tes o título de Bacharelato ou remataches un Ciclo de grao medio tes acceso ao Ciclo de grao Superior.