Concello de Verín

Maña, ás 20:30 horas, arrinca o festival de #teatro Entreculturas no Auditorio Municipal de #Verín coa obra "A ILLA MARELA" do grupo COLES-TEATRO.

O Concello de Verín acaba de reestruturar  os sistemas de quecemento de auga da piscina climatizada da vila coa finalidade de diminuír o consumo de enerxía e reducir a emisión de gases invernadoiro. Cun investimento total de 56.337,60 euros, o ente municipal pon hoxe en funcionamento un novo sistema xeotérmico que permitirá aproveitar a temperatura natural do subsolo para satisfacer as necesidades de calefacción do recinto deportivo. O Instituto Enerxético de Galicia (A Xunta de Galicia), a través dos seus diferentes programas de financiamento de proxectos de aforro enerxético, achega o setenta e cinco por cento do investimento previsto (42.253,20 euros).

Os días 12, 13, 14 e 15 de outubro, o cinema municipal de Verín acolle a proxección das películas “Emoji: La película” e “Blade Runner 2049” no Salón de Actos da Casa da Cultura nos seguintes pases:

O vindeiro martes 10 de outubro, a partir das 10:00 horas, a experta en Coaching e Formación, Luz González Rivera, impartirá a charla “Quen ben che quere non che fará chorar” no Auditorio Municipal de Verín, que tratará con nenos e adolescentes cuestións relacionadas coas redes sociais, a súa orixe e o seu correcto uso. Esta actuación formativa enmárcase dentro do conxunto de actividades programadas dentro do novo Plan de Mocidade proxectado pola área de Mocidade do Concello de Verín.

Hoxe, ás 19:30 horas, terá lugar a presentación do portal web “Semanarios de Verín”, un proxecto documental pioneiro creado pola Biblioteca Municipal  que recolle os xornais históricos da vila, desde 1893 ao 1936.