Concello de Verín

Hoxe, venres 15 de setembro, presentouse na sede da Asociación de Comerciantes de Verín (AEVER) a “Pasarela Verín de moda 2017” que se celebrará o sábado 23 de setembro, as 19:30 horas, no Pavillón Municipal de Deportes. Esta iniciativa súmase os actos que se reparten ó longo do ano para promover o atractivo turístico, cultural e comercial de Verín. O evento está organizado por AEVER coa colaboración do Concello de Verín, a Xunta de Galicia e a Deputación de Ourense.

A campaña estival 2017 de promoción da “Ruta Termal e da auga transfronteiriza Verín- Chaves-Vidago”, promovida e financiada pola Agrupación Europea de Cooperación Territorial (AECT) Eurocidade Chaves-Verín, rexistrou entre o 7 de xullo e o 30 de agosto máis de 50.000 visitas nos 6 mananciais que a conforman. (Cabreiroá, Fontenova, Sousas, Fonte do Sapo, Chaves e Vidago).

O vindeiro xoves 21 de setembro (Día Mundial do Alzhéimer), a área de Maiores dos Servizos Sociais Comunitarios do Concello de Verín organiza, en colaboración coa Asociación de Familiares de Enfermos de Alzhéimer e Outras Demencias de Ourense (AFAOR), o taller “Alzhéimer: síntomas e coidados xerais”.

O pasado venres 8 de setembro, a Agrupación Europea de Cooperación Territorial (AECT)  Verín-Chaves, xunto coa Asociación de Rexións Fronteirizas Europeas (ARFE), organizaron unha visita de estudo dirixida a empresarios e institucións públicas brasileiras e arxentinas.  No acto, que tivo lugar na sede da , analizáronse os proxectos de cooperación transfronteiriza desenvolvidos pola institución durante os últimos 10 anos, entre os que se atopan o prestixioso proxecto "" premiado en 2015 co premio Rexio Star ao mellor proxecto Europeo en cooperación transfronteiriza.

Esta mañá, a concelleira de Turismo de Verín, Purificación Caldelas, e o Director de Adiccag  (Asociación para a Divulgación da Cultura da Cervexa Artesá), Pablo Casanova, presentaron na casa consistorial o programa da III Feira da Cervexa Artesá e de Artesanía Medieval, organizado por Adiccag en colaboración co Concello, que se celebrará en Verín os días 15, 16 e 17 de setembro na Praza Maior verinesa.