Concello de Verín

O vindeiro xoves 19 de outubro, ás 19:30 horas, a Biblioteca Municipal de Verín acolle unha conferencia sobre o 40 aniversario do Museo do Pobo Galego, impartida polo Doutor Manuel Vilar.

O próximo fin de semana, o Auditorio Municipal de Verín acolle a representación das obras de teatro “Sganarallo o cornudo imaxinario” do Grupo de Teatro Vai Avante, o día 21; e “Caixa Pazpallo, caixa do k...” do grupo de teatro Oreteiro, o día 22. Estas representacións están enmarcadas dentro da VIII edición do Festival de Teatro Entreculturas, organizado pola “Asociación para a Cultura e o Lecer: A Caixa de Pandora de Verín, en colaboración do Concello de Verín.

Do 19 de outubro ao 15 de novembro, os castiñeiros (“a medula é o corazón das árbores e estas árbores son o corazón das Médulas”) son os protagonistas da mostra fotográfica de Nica Mares que se exhibirá na Sala de Exposicións de Verín. A mostra poderase visitar dos luns aos venres das 17 a 21 h, e os sábados de 10 a 14 e de 17 a 20:30 h.

Os días 20, 21 e 22 de outubro, o cinema municipal de Verín acolle a proxección das películas “Tu mejor amigo” e “Señor dame paciencia” no Salón de Actos da Casa da Cultura nos seguintes pases:

Dende o Concello de Verín queremos expresar a nosa máis profunda consternación pola voraz vaga de incendios intencionados que están a asolar Galicia.