Concello de Verín

O Festival Internacional de Curtametraxes Vía XIV de Verín, que se celebrará no vindeiro mes de decembro na vila, pón en marcha un concurso para a realización do cartel que constituirá a imaxe da II Edición do FIC Vía XIV. Este concurso ten como obxecto estimular a creatividade de artistas, deseñadores e de calquera persoa que queira presentarse, así como fomentar a difusión da imaxe do certame a nivel nacional e internacional e de dar a coñecer as obras daqueles artistas que participen nel.

Cabreiroá segue apostando pola súa vinculación cos principais equipos galegos e a súa proximidade cos consumidores máis pequenos con "Bancada Cabreiroá", unha nova iniciativa que permitirá ás familias galegas vivir unha experiencia deportiva única.

O vindeiro día 17 de outubro de 2017 (martes), ás 10:00 horas, a aula CeMIT de Verín acollerá a presentación, por vídeoconferencia, da “Guía técnica e Proxecto tipo de Infraestruturas de Fogar Dixital (IFD)” que terá lugar na aula do Centro Demostrador TIC en Santiago de Compostela a presentación.

O grupo Batuko Tabanka, integrado por mulleres de orixe caboverdiana afincadas na Mariña lucense, continúa en Verín a xira polos concellos socios do Fondo Galego de Cooperación e Solidariedade para promover a interculturalidade e a inclusión. Será o domingo 1 de outubro, ás 19 horas, no Auditorio Municipal. O concerto complementa a exposición fotográfica ‘Galicia-Cabo Verde: unha irmandade’, realizada polo fotoxornalista Rober Amado no país lusófono como gañador da primeira edición do certame Imaxes con Fondo. A mostra poderá visitarse na sala de exposicións do 2 ao 17 de outubro.

O vindeiro xoves 28 de setembro ás 18:00h, a Biblioteca Pública Municipal do Concello de Verín pon en marcha o programa “Estacións en contos” coa presenza de Celtia Figueiras, quen levará a cabo a actividade mediante catro contacontos distribuídos ao longo do ano con estéticas e dinámicas diferentes dependendo da estación.