Concello de Verín

O FIC Vía XIV de Verín acaba de anunciar a súa temática para este 2024. As curtametraxes que se proxectarán entre o 28 de agosto e o 7 de setembro explorarán os límites das nosas fronteiras mentais que, dende a organización, vinculan a “un territorio cuxa idiosincrasia está claramente marcada polos lindes, por ser unha vila fronteiriza”. Ademais, coa intención de involucrar no festival a mocidade da vila, o FIC Vía XIV contará nesta novena edición cun xurado novo do que pode formar parte calquera persoa menor de 30 anos con interese no audiovisual, mais que non se adique ao sector de forma profesional, e que teña vinculación coa comarca. O prazo para as inscricións remata o 21 de xuño e pode realizarse a través da web ficviaxiv.com.

Esta mañá tivo lugar a presentación oficial da terceira edición do Festival de Percusión Vibra Verín, no Auditorio Municipal de Verín. Serán dous días (7 e 8 de xuño) nos que, ademais de actuacións abertas ao público, o alumnado dos CMUS participantes reunirase para actuar, asistir a obradoiros e concertos, e coñecer a outros percusionistas de renome. Devandito evento está organizado polo Conservatorio Profesional de  Música do Concello de Verín e a Anpa deste centro formativo.

O vindeiro xoves 30 de maio, o Salón de actos da Casa da Cultura acolle a presentación de “La loba y el podenco”, nova obra da bióloga, catedrática de ciencias naturais, activista e escritora, Concha López Llamas.

O Local de Ensaio da Eurocidade é o lugar escollido para acoller un ciclo de eventos musicais organizado polo IPDJ - Instituto Portugués do Deporte e Xuventude no ámbito do proxecto Eurocidade 2030 e coordinado pola Eurocidade Chaves-Verín, coa colaboración dos restantes socios: FNAJ - Federación Nacional das Asociacións Xuvenís, Dirección Xeral de Xuventude, Participación e Voluntariado da Xunta de Galicia e Fundación Galicia Europa.

Un ano máis, Verín súmase á celebración da Primavera de Portas Abertas do Viño Monterrei, que terá lugar durante a fin de semana do 1 e 2 de xuño. As actividades enoturísticas, no entanto, comezarán xa o venres 31 de maio, prolongándose ata o domingo 2 de xuño, brindando aos visitantes unha ampla oferta de experiencias vinculadas ao mundo do viño.