Concello de Verín

O Club BTT Verín organiza, en colaboración co Concello, a XIV Marcha Val de Monterrei, que terá lugar o domingo día 26 de maio do 2024. Este evento non competitivo, de velocidade libre, conta con dous percorridos de 40 Km. (dificultade media) e 60 Km. (dificultade alta), percorrendo os montes de Verín e comarca.

O Concello de Verín e a Asociación Española Contra o Cancro de Ourense realizaron a firma do convenio de cesión dunha nova sede local da asociación en Verín, cuxo espazo está situado na rúa Rosalía de Castro, 4 (edificio antigo lavadoiro).

O vindeiro sábado 25 de maio, ás 19:30 horas, o Salón de Actos da Casa da Cultura acollerá a presentación da viaxe en moto que realizará o verinés Oscar Conde dende Santiago de Compostela (pasando por Verín) a Katmandú. Esta emocionante aventura comezará o próximo mes de setembro e prolongarase ata novembro de 2024, percorrendo máis de 17.000 km.

O próximo xoves 23 de maio, ás 19:30 horas, terá lugar unha conferencia sobre Mindfulness no Salón de Actos, impartida polo Dr. Giuseppe Altamore Caruso, licenciado en Medicina e Cirurxía, con numerosos cursos sobre Mindfulness e redución do estrés pola Universidade Autónoma de Madrid. A mesma está organizada pola Biblioteca Municipal de Verín

Os primeiros premios do Certame de Poesía Xosé Carlos Caneiro Pérez e do Certame de Relato Curto Antonio Fernández Pérez, organizados polo Concello de Verín con motivo do Día das Letras Galegas, coa colaboración de Supermercados GADIS e do Concello de Vilardevós, foron este ano para alumnado do IES Castro de Baronceli, do Colexio Plurilingüe María Inmaculada, do Colexio Apostólico Mercedarios e do CEIP Plurilingüe Amaro Refojo.